चैत १, काठमाडौं । नेपाल टेलिभिजनबाट प्रसारण हुँदै आएको हाँस्य टेलिश्रृंखला मेरी बास्सैमा दिन प्रतिदिन नयाँ नयाँ कलाकार र पात्रको जन्म भईरहेको छ । पछिल्लो पटक नयाँ पात्रमा 'बैतडी बाजे' र 'दर्शने' आएका छन् । उनीहरुको भूमिका दर्शकले पनि रुचाईरहेका छन । 'बैतडी बाजे' को भूमिकामा कलाकार राजेश नाथले अभिनय गर्दछन  । 

त्यसैगरी  दर्शनेको भूमिकामा  सुरेश थापा देखा पर्दछन । 'बैतडी बाजे' को थेगो "कन्ज्याा यतै दुख्छ कन्ज्या उतै दुख्छ", अहिले आम दर्शकको मुख मुखमा झुन्डीन थालेको छ । त्यसैगरी दर्शनेको थेगो  "हो दर्शने हो, दर्शनेले गर्छ ।" भन्नेलाई पनि धेरैले रुचाएका छन ।  यसै बिच आज मेरी बास्सैको सुटिङस्थल बाट कुमार श्रेष्ठले क्यामेरामा कैद गरेका 'दर्शने' र 'बैतडी बाजे'का केहि तस्बिरहरु यहाँ प्रस्तुत गरेका छौं ।