साउन, काठमाण्डौ

चलचित्र बजरङ्गी भाइजान हर्नुभयो ? सलमान खान, नवाजउद्धीन सिद्धकी र करिना कपुरको बेजोड अभिनय त देख्नु नै भयो । त्यो सँगै तपाईले परी जस्ती बालीकाको अभिनय पनि पक्कै देख्नुभयो होला । तर, त्यो परी जस्ती बालीकाको बारेमा तपाईँ हामी धेरैलाई पत्तो नहुन सक्छ । चलचित्र हेरिसकेपछि तपाईँलाई पनि त्यी बालीका मुन्नीको बारेमा जान्ने उत्सुकता होला ? तपाईँको उत्सुकता बुझेर त्यसलाई मेटाउने प्रयास हामीले गरेका छौँ । 

त्यी परीजस्ती बालीकाको नाम हर्षाली मल्होत्रा हो । दिल्लीमा बस्दै आएकी उनी सात वर्षकी भइन । फिल्म बजरङ्गी भाईजानको लागि हर्षालीले १ सय जनासँग प्रतिस्पर्धा गरेकी थिइन । सबैलाई पछि पार्दै हर्षाली फिल्मका लागि छनौट भइन र सलमानसँग काम गर्ने मौका पाईन् । यसअघि उनले सानो पर्दामा काम गरिसकेकी थिइन । हर्षालीले पि अरस र फेयर एण्ड लवलीको बिज्ञापनमा पनि काम गरेकी छन् । फिल्म बजरङ्गी भाईजनमा उनले मुन्नीको रोल निभाएकी छिन् । जसलाई सबैले मन पराएका छन् ।

 
हर्षाली यो भन्दा पहिले पनि टेलिभिजन शोहरुमा पनि देखा परिसकेकी छन् । उनले लाईफ ओकेको दैनिक शो लौट आओ तृषा र जि टि भि को दैनिक शो कबुल हैमा पनि काम गरिसकेकी छन् । चलचित्र बजरङ्गी भाईजानको सफलतासँगै उनको पनि अभिनय यात्रा सफलतातर्फ उन्मुख भएको मान्न सकिन्छ । 

फेयर एण्ड लवली को बिज्ञापनमा अभिनेत्री यमी गौतमसँग हर्षाली ।

समाचार पढ्नु भएकोमा तपाईलाई धन्यवाद रमाईलो जोक्स, कमेडि र फन्नि भिडियोको थप मज्जा लिन हामीलाई क्लिक गर्नुहोस् ।