भदौ १४, काठमाण्डौँ । गएको शुक्रबारदेखि प्रर्दशनमा आएको चलचित्र भैरवको व्यापार राम्रो भएको निर्माण पक्षले बताएको छ । चलचित्र हेर्नेहरुले राम्रो प्रतिक्रिया दिईरहेको चलचित्रका निर्देशक एवं नायक निखिल उप्रेतिले बताएका छन् । एक्सनको साथमा देशप्रेमको भाव समेटीएको  फिल्मले दर्शकहरुलाई नयाँ स्वाद दिन खोजेको उनले बताउँदै आएका थिए । चलचित्र प्रर्दशनपछि उनी राजधानीका विभिन्न हलहरुमा पुगेर भैरवका दर्शकहरुमाझ रमाएका छन् । तराई क्षेत्रमा तत्काल प्रर्दशनमा रोक लगाईएको फिल्मले राजधानीमा राम्रै व्यापार गरेको छ ।
अघिल्लो साता प्रर्दशनमा आएको चलचित्रसँगै  गएको शुक्रबारबाट नै प्रर्दशनमा आएको रेशम फिलीलीसँग पनि भैरवले प्रतिश्पर्धा गरिरहेको छ । केहि वर्षको अन्तरालपछि नेपाली फिल्मी क्षेत्रमा फर्किएका एक्सन हिरो निखिलले अझै एक्सन प्रधान फिल्महरु बनाउँदै जाने बताएका छन् । आफुले चार वर्ष लगाएर सिकेको स्काई डाइभिङलगायतका दृश्यहरुसमेत नेपाली फिल्ममै देखाउने आफ्नो सोच रहेको उनले बताएका छन् । उनी फिल्म हल पुग्दा दर्शकहरुको भिडले उनलाई यसरी बोकेर नचाएका थिए । हेर्नुहोस भिडियो ।

समाचार पढ्नु भएकोमा तपाईलाई धन्यवाद रमाईलो जोक्स, कमेडि र फन्नि भिडियोको थप मज्जा लिन हामीलाई क्लिक गर्नुहोस् ।