काठमाडौ । खाली पेटमा व्यायाम ग¥यो भने यसले फाइदाभन्दा बढी बेफाइदा गर्छ, त्यसैले व्यायाम सुरु गर्नुअघि यस्ता चिज खाँदा राम्रो हुन्छ /

दूध र फलफूल –

दूध र मौसमी फललाई मिक्स्चरमा पेली पिएमा शरीरलाई भरपूर शक्ति प्राप्त हुन्छ । यो पिएपछि भोक नलाग्नुका साथै पेट पनि हल्का हुन्छ ।

जौको सातु –

श्रम गर्ने शरीरलाई कार्बोहाइड्रेट्सको जरुरी पर्छ । जौको सातुले शरीरलाई आवश्यक पर्ने कार्बोहाइड्रेट्स पूर्ति गर्नेछ । यो खाएको छोटो समयमै पच्छ पनि । जौको सातुले शरीरको तौल घटाउनसमेत मद्दत गर्छ ।

केरा –

केराले शरीरलाई तुरुन्तै ऊर्जा दिन्छ । केरामा छिट्टै पच्ने खालको कार्बोहाइड्रेट्स पाइन्छ, जुन व्यायाम गर्ने समयका लागि उत्तम मानिन्छ । तर, केरा नियमित खानुअघि फिटनेस ट्रेनरसँग परामर्श लिनु उचित हुन्छ ।

दही –

अमिनो एसिडको मात्रा अत्यधिक हुने भएकाले दहीले शरीरको मांसपेशीलाई तन्दुरुस्त राख्न मद्दत गर्छ । प्रोटिन र कार्बोहाइड्रेट्सको मात्रासमेत पाइने दहीले व्यायामका वेला चाहिने ऊर्जा शरीरलाई उपलब्ध गराउँछ । नयाँपत्रिका दैनिक