कार्तिक २६, काठमाण्डौँ । 
सत्र वर्ष अघि देखि सलमान खानलाई सुरक्षा दिन थालेका गुरमित सिंह (अर्थात शेरा) को छोरा टाइगर लक्का जवान भइसकेका छन् । अहिले उनको उमेर २२ को छ र उनको शारीरिक बनावट राम्रो छ  । टाइगरको शारीरिक बनावट देखेर सलमान प्रभावित भएका छन् । आफ्नो हरेक फिल्ममा नयाँ अनुहारलाई प्राथमिकता दिने सलमानले आगामी प्रोजेक्टमा टाइगरलाई हिरो बनाउन चाहन्छन् । टाइगर सलमानका साथ कयौं कार्यक्रममा पुगिसकेका पनि छन् ।
अब सलमानले फिल्म बनाएको खण्डमा टाइगर नै हिरो हुने सम्भावना बढी छ । किनभने उनका पिता शेरा सलमानका बडिगार्ड मात्र नभई पारिवारिक सदस्य जस्ता भई सकेका छन् । उनी सलमानको सुरक्षाका लागि जस्तोसुकै अप्ठयारोसमेत भोग्न पछि पर्दैनन् । 
शेरा सलमानका एक विश्वासिला पात्र हुन् । उनले शेरालाई व्यवहारिक सल्लाह पनि दिन्छन् । सलमानकै सल्लाहले सेलिब्रेटीहरुलाई सुरक्षा दिने हिसाबले शेराले सुरक्षा कम्पनिको खोलेका छन । उनी सलमानलाई सुरक्षा दिनुअघि हलिउड अभिनेताहरुका बडिगार्ड थिए ।