कार्तिक, काठमाण्डौ
सोलुखुम्बु जिल्लाको खुम्बुमा रहेको लुक्ला एयरपोर्टको चर्चा विश्वभरिनै छ । हिमालहरुको बिचमा नौ हजार तिन सय चौतीस  फिटको उचाईमा रहेको लुक्ला एयरपोर्ट विश्वकै खतरनाक एयरपोर्ट मानिन्छ । यसको अर्को नाम तेन्जीङ हिलारी एयरपोर्ट हो । सन् २०१० मा  हिष्ट्री च्यानलमा प्रसारीत एक सामाचारमा यो एयरपोर्टलाई विश्वकै खतरनाक एयरपोर्ट बताईएको थियो ।
 
सगरमाथाको बेस क्याम्पमा पर्ने यो एयरपोर्टको चर्चा सगरमाथाले बढाएको हो ।  काठमाण्डौ र लुक्लाको दैनिक उडान भईरहने यो एयरपोर्टको यात्रा निकै खतरनाक पनि छ । त्यसैले मौसम अनुसार र केहि घण्टाको अन्तरालमा उडान भर्ने गरिएको छ । नेपालमा धेरै बिदेशीहरु पर्यटकीय स्थलको भ्रमणमा आउने गरेकाले यो एयरपोर्ट व्यस्त नै रहन्छ । तर यो एयरपोर्ट सानो भएका कारण यहाँ ठुला बिमानहरु अवतरण गर्न सक्दैनन् । भनिन्छ सगरमाथामा चढ्नुभन्दा बढि खतरनाक यस एयरपोर्टमा अवतरण गर्नु हो ।

त्यस क्षेत्रको मौसम प्रायजसो खराब भईरहने कारण पाईलटलाई कहिलेकाही अन्दाज लगाएर प्लेन चलाउनु पर्ने हुन्छ । निकै तेजले हावा चल्ने उक्त इयरपोर्टको यात्रामा यदि अलिकती पनि यताउता भएमा पहाडसँग ठोकीन पुग्ने संभावना हुन्छ । तर निकै कठिन र खतरनाक यो यात्रा  अझैसम्म रोकिएको छैन चलिनै रहेको छ । हेर्नुहोस् लुक्लाका केहि तस्वीरहरु ।

तपाई  Facebook, Twitter र  Youtube मार्फत हामीसँग जोडिन सक्नुहुन्छ ।