भदौ २४, काठमाण्डौँ । हाँस्यकलाकार जितु नेपाल अमेरिका पुगेको दुई साता बढी भएको छ । यो समयमा उनले अमेरिकाको विभिन्न शहरमा चार वटा कार्यक्रम दर्शक हँसाए । उनीसँगै नेपालबाट गएको निरु खड्का, बद्री पंगेनी, शिला आले पनि पाँचौ कार्यक्रमको तयारीमा छन् । आफुले गरेका हरेक गतिविधि उनले फेसबुकमार्फत सार्वजनिक गरिरहेका छन् । अमेरिका पुगेका मुन्द्रे सहित कलाकारको टोली सामाजिक सञ्जालमा सक्रिय छन् । उनीसँगै रहेका गायक बद्री पंगेनीले पनि फेसबुकमार्फत नै नेपालमा रहेकी श्रमतिलाई जन्मदिनको शुभकामना दिएका थिए ।

मुन्द्रे पिचवर्गको कार्यक्रम सकेर युटाहा प्रस्थान गरेका छन् । एउटा राज्यबाट अर्को राज्यमा पुग्नका लागि ६ घण्टा बस र ६ घण्टा प्लेनको यात्रा गर्नुपर्ने मुन्द्रेले फेसबुकमा उल्लेख गरेका छन् । भोलीको दिन आराम गरेर शनीबार र आईतबार युटाहा र लस एन्जल्समा कार्यक्रम गर्ने योजना छ । उनले फेसबुकबाटै त्यहाँको मौसमबारे पनि जानकारी गराएका छन् । मुख्य समाचार यहि हो भन्दै उनले पानी परिरहेको जानकारी गराएका हुन् ।

तपाई  Facebook, Twitter र Youtube मार्फत हामीसँग जोडिन सक्नुहुन्छ ।