भदौ ३०, काठमाण्डौँ 
नेपाली नारीहरु तिज पर्व मनाईरहँदा नायिका निशा अधिकारी अफ्रिकाको हिमाल किलीमान्जरो आरोहणको तयारीमा व्यस्त छिन् । अमेरिकामा रहेकी निशा ५ हजार ८ सय ९५ मिटर अग्लो हिमाल चढ्ने तयारीमा छिन् । उनले केहि घण्टा अघि मात्र हिमाल चढ्ने रुट फेसबुकमार्फत सार्वजनिक गरेकी थिईन् । सर्वोच्च शिखर सगरमाथाको सफल आरोहण गरिसकेकी निशाले किलीमान्जरोमा नेपालको झण्डा पनि फहराउने छिन् । बालबालीकाको लागि न्यानो कपडा सहयोग जुटाउन उनी किलीमान्जरो चढ्न लागेकी हुन् । 
विदेशमा व्यस्त रहेपनि निशाले नेपाली सँस्कृतिलाई झन् धेरै सम्झीने गरेकी छिन् । उनले तिजको अवसरमा फेसबुकमार्फत नै सबैलाई शुभकामना दिएकी छिन् । उनले फेसबुकमा हँस्यौली र ठट्यौली शैलीमा शुभकामना प्रदान गरेकी छिन् । उनको शुभकामनामा महिला सशक्तिकरणको सन्देश पनि रहेको छ । फेसबुकमा उनले लेखेकी छिन्, “महादेवजस्तै बुढा माग्नुको साथै आफु पनि देवीजस्तै शक्तिशाली बन्न सकु भनेर माग्न चाहिँ नर्बिसनु होला है । 

तपाई  Facebook, Twitter र Youtube मार्फत हामीसँग जोडिन सक्नुहुन्छ ।