असार, काठमाण्डौ
बलिउडमा धेरै यस्ता अभिनेत्रीहरु छन्  जसले आफ्नो करियर मोडलिङबाट सुरु गरेका थिए । तिनै मध्येकी एक हुन् कटरिना कैफ । जुलाई १६ मा कटरिना कैफको जन्मदिन हो र जन्म दिन स्पेशलमा हामी कटरिनाका बारेमा केहि लेख्दैछौ ।

 कटरिनालाई मोडलिङमा एक पहिचान बनाईसकेपछि मात्र फिल्ममा ब्रेक मिलेको थियो । बलिउडमा फिल्म बुमबाट उनको करियर सुरु भएको थियो । मोडलिङको समयमा उनि सामान्य  देखिन्थीन् तर पछि सफलता सगँसगै उनको स्टाईलमा पनि परिवर्तन आयो र उनि स्मार्ट देखिन थालिन् ।
 सन् १९८४  जुलाई १६ मा जन्मीएकी कट्रीना कैफका पिता कश्मिीरी हुन् भने आमा ब्रिटिस ।

कटरिना सानो छँदा नै उनका आमा र बुबाको डिभोर्स भएको थियो ।  कटरिनाको बचपन पनि धेरै देशहरुमा घुमेर बितेको थियो । जसले गर्दा उनि  कहिल्यै पनि स्कुल जान पाईनन् । कटरिनाले लडंनमा हुदा देखि नै मोडलिङ सुरु गरेकी थिईन् ।

 लडंनमा नै उनलाई फिल्म निर्माता कैजाद गुस्तादले एक फैसन शो मा  देखेर आफ्नो फिल्म बुमको लागि साईन गरेका थिए । बुमपछिको उनको फिल्मी यात्रा भने अहिलेसम्म पनि सफल देखिन्छ ।