असार, काठमाडौ ।भारतको सर्वोच्च अदालतले अविवाहित आमा नै आफ्नो सन्तानको अभिभावक हुन पाउने फैसला गरेको छ । सोमबार सर्वोच्चका न्यायाधीश विक्रमजित सेन र अभय मनोहरको एकल इजालासले सो फैसला गरेको हो । यसभन्दा पहिले नयाँदिल्लीको अदालतले अविवाहित महिलाबाट जन्मेको सन्तानको अभिभावक उसका बाबु नै हुनुपर्ने फैसाला सुनाइएको थियो ।

भारतमा केही यस्ता राज्य थिए जहाँ अविवाहित महिलाको बच्चाको अभिभावकका रूपमा पिता नै हुनुपर्ने नियम थियो । न्यायाधीशद्वय सेन र मनोहरको फैसालपछि अब भारतमा अविवाहित महिला नै बच्चाको अभिभावक बन्न पाउने भएकी छिन् । सोमबारको फैसालपछि ती राज्यमा पनि अविवाहित आमा नै बच्चाको अभिभावक हुन पाउने भएका छन्  ।

फैसालामा भनिएको छ ‘अविवाहित आमाको सन्दर्भमा बुबा नाम राख्नुपर्छ भन्ने जरुरी छैन,’। त्यो कुरा फैसलामा स्पष्ट उल्लेख गरिएको छ । सर्वोच्चको यस फैसलालाई मानवअधिकार र महिला अधिकारकर्मीले स्वागत गरेका छन् । नयाँपत्रिका दैनिक