असार, काठमाडौ । अहिलेको  समय नै यस्तो छ, तनावरहित मानिस भेटिन गाह्रो छ । कुनै न कुनै कुराका तनावमा हरेक मानिस डुबेकै छन् । फरक छ त केवल मात्राको । हालै एउटा अध्ययनले के देखाएको छ भने, लामो समयसम्म तनावमा परेका महिलाहरूको जीवन छोटो हुन्छ । 

किनभने, उनीहरूमा ‘क्लोथो’ हार्मोनको स्तर धेरै कम हुन्छ । यो हार्मोनले उमेरलाई नियन्त्रण गर्छ । निकै तनावले गाँजेका ९० जना र सामान्य तनाव भएका ८८ जना महिलामा गरिएको यो अनुसन्धान ट्रान्सलेसन साइकियाट्री जर्नलमा प्रकाशित छ । 

अध्ययन अनुसार, उदासीको लक्षण भएका महिलाहरूको रगतमा क्लोथो हार्मोनको स्तर कम भएको पाइयो । क्लोथो हार्मोनको सम्बन्ध स्थायी तनाव र अकाल मृत्युसँग छ । यो हार्मोन स्वास्थ्यका दृष्टिकोणले धेरै महत्त्वपूर्ण मानिन्छ । कान्तिपुर दैनिक