असार, काठमाडौं । स्याटेलाइट प्रविधिमा आधारित नेपालको एक मात्र डि.टि.एच.सेवा प्रदायक डिश होमले मुभि अन डिमाण्ड एक महिनाका लागि निशुल्क गर्ने भएको छ । यहि असार १७ गते देखि लागु हुने गरी च्यानल नं. ११२ मा प्रसारण हुने मुभि अन डिमाण्ड अन्तर्गत बिहान ७ बजे, दिउँसो ११ बजे, अपरान्ह ३ बजे र साँझ ७ बजे गरी दिनमा चार पटक एउटै फिल्म प्रसारण गरीने प्रेश विज्ञप्तिमा जनाईएको छ । 

यी सिनेमा हेर्नका लागि ग्राहकहरुले आफ्नो नियमित प्याकेज एक्टिभ भएको हुनु पर्नेछ । यो सुविधा डिश होम बाहेक अरु कुनै पनि सेवा प्रदायकले बजारमा उपलब्ध गरेको छैन । यो सेवा प्रति ग्राहकहरुको उल्लेख्य रुचि रहेको र समय समयमा आफ्ना ग्राहकहरुलाई यस्तो फ्रि सुविधा प्रदान गर्ने कम्पनीको प्रेश विज्ञप्तीमा उल्लेख गरिएको छ ।