असार, काठमाडौं ।मोबाइलबाट सेल्फी खिच्ने चलन बढेपछि सेलिब्रेटीसँगे खुसुक्क सेलिब्रेटीको छेउमा पुगेर सेल्फी खिच्दै सामाजिक सञ्जालमा अपलोड गर्नेहरु बढेका छन् ।अहिले त फेसनै जस्तो भईसक्यो यो चलन । यसले गर्दा धेरै सेलिब्रेटी हैरान छन् । केहि दिन यता यस्तै चलनको शिकार बनेकी छिन बलिउड अभिनेत्री शिल्पा सेट्टी ।

प्रशंसकले सेल्फी खिचेकै कारण हैरान भएर आफ्ना सोख पनि त्याग्न बाध्य भएकी छन् ।आमनागरिक जस्तै सपिङलाई सोख मान्ने बलिउड नायीका हुन् शिल्पा । बजारमा गएर रोजी छानी सामान किन्न उनलाई रमाइलो लाग्छ । तर सेल्फी खिचेर हैरान बनाएपछि उनी सपिङ जान छोडेकी छन् । 

’मलाई सपिङको धेरै सोख छ तर अचेल बजारतिर निस्कन्नँ, अनलाइनबाटै सपिङ गर्न थालेकी छु’, उनी भन्छिन् ’खराब मौसम र ट्राफिक जामसँग त्यसमाथि प्रशंसकले सेल्फी खिचेरै हैरान पार्छन् के गरुँ ।आफूलाई आवश्यक लुगा, गहना, जुत्ता, सौन्दर्य सामग्रीमात्र होइन दीपावलीमा बाल्ने दियोसमेत अनलाइन सपिङमार्फत किनेको उनले बताएकी छन् । 

’जब म बजार जान्छु, सेल्फी खिच्नेको भीड हुन्छ, मानिसहरू बिर्सन्छन् कि हामी पनि मान्छे हौं’, ’हाम्रो पनि निजी जीवन हुन्छ र आफ्ना लागि पनि समय छुट्याउनुपर्छ । सेल्फीले गर्दा हाम्रो गोपनीयतामा पनि असर पर्छ काममा पनि ।’ कति गरेर समय निकालेर बजार निस्क्यो तर प्रसंशककै कारण अप्ठेरोमा परिने भो । समय प्रसस्तै भएत रमाईलो पनि हुन्थ्यो तर के गर्नु ।

’बाजिगर’, ’तु अनाडी मै खिलाडी’, ’धड्कन’जस्ता चलचित्रमा अभिनय गरेर ९० को दशकमा लोकप्रिय बनेकी ४० वर्षीया शिल्पा हिजोआज भने चलचित्रमा कमै देखिएककि छन् । सायद उमेरको प्रभाव र नयाँ कलाकारको दबाबले पनि हो कि ?