असार,काठमाडौं ।विनाशकारी भूकम्पमा दिवंगत आत्माहरुको सम्झनामा शनिबार वसन्तपुरमा आयोजित वृहत् कार्यक्रममा विभिन्न धर्म गुरुहरु एकै ठाउँमा उभिएर धार्मिक एकताको सन्देश दिएका छन्  ।

अन्नपूर्ण पोस्ट्को प्रकाशन संस्था तथा रेडियो अन्नपूर्ण नेपालको संचालक अन्नपूर्ण मिडिया नेटवर्कले विनाशकारी भूकम्प गएकै दिन र समय जुराएर आयोजना गरेको कार्यक्रममा हिन्दू, मुस्लिम, क्रिश्चियन र बुद्द धर्मका गुरुहरु एकै ठाउँ उभिएर भूकम्पमा ज्यान गुमाएका आत्माहरुको शान्तिका लागि प्रार्थना गरेका थिए ।

धर्मगुरुहरुले नेपालीबीच धार्मिक एकता रहेको जनाउँदै भूकम्पबाट क्षतिग्रस्त भएको देशलाई सबै धर्मावलम्बी मिलेर पुनर्निर्माण गर्नुपर्ने सन्देश दिएका थिए । दिवंगत आत्माहरुको सम्मान र शान्तिका लागि आयोजित सो कार्यक्रममा विभिन्न धर्मका अनुयायीहरु एकै ठाउँ जम्मा भएर करिब ९ हजार बेलुनसमेत उडाएका थिए । अन्नपूर्णपोष्ट