असार,काठमाडौं । जु वेन्यी नाम गरेका चिनीया मानिस अहिले चर्चामा छन् । यीनले श्रीमतीसँग छोडपत्र भएपछि पहाडमा गुफा बनाएका थिए । ५७ वर्षीय यी व्यक्ति अहिले त्यही गुफामा एक्लै बस्ने गर्छन्  । 

श्रीमतीसँग छोडपत्र गरेपछि यी व्यक्ति अन्यत्र कतैबाट चीनको हुनान प्रान्तस्थित जियांग्टन काउन्टी क्षेत्रमा पुगेका थिए  । त्यहाँ रहेको एउटा पहाडलाई खोतलेर उनले गुफा बनाए, जसमा आफूले आरामदायी जीवन बिताइरहेको उनी बताउँछन्  । ‘पहाडमा गुफा बनाउन अप्ठ्यारो थियो  । तर, मैले कहिले हार नमानी प्रयास गरेँ  । 

६ वर्षको अथक मिहिनेतपछि यस्तो गुफा बनाउन सफल भएँ,’ आफ्नो गुफा देखाउँदै उनले भने  । उनले बनाएको गुफा सय फिट लामो र १३ फिट चौडा छ  । गुफाभित्र ८५ फिटको लिभिङ रुम र एउटा किचन छ  । गुफाको ढोका र केही भित्तामा उनले कंक्रिट लगाएका छन्  । नयाँपत्रिका