असार ६,काठमाडौं । दीपिका पादुकोणसँग खट्पट भएपछि कट्रिना कैफसँग हिमचिम बढाएका रणबीर कपुरको क्षमताको विद्या वालानले निकै प्रसंसा गरिन् । ‘रणबीर मलाई निकै क्षमतावान लाग्छ, म उनैसँग काम गर्न चाहन्छु  विद्याले भनिन् ।

डर्टी पिक्चर्स, कहाँनी जस्ता चर्चित फिल्ममा काम गरेकी विद्यालाई ‘हमारी अधुरी कहानी’को सकारात्मक टिप्पणीले राहत मिलेको छ । घनचक्कर असफल हुँदा दुःखी भएकी विद्याले केही फिल्म असफल हुनुमा बिबाहको असर परेको हो कि भन्ने अनुमान गरेकी थिइन् ।

‘घन चक्कर र बेबी जासुस’ असफल हुँदा म निकै चिन्तित थिए तर, अहिले राहत मिलेको छ ।’ उनको भनाई अनुसार ‘हमारी अधुरी कहानी’ समिक्षकलाई मन पर्ने खालको फिल्म छ ।

बायोपिक सिनेमामा काम गरेकी विद्यालाई पछिल्लो समय पहिलो भारतीय प्रधानमन्त्री इन्दिरा गान्धीको बायोपिक सिनेमाका लागि प्रस्ताब आएको छ ।

इन्दिरा गान्धीलाई सम्मानित भारतीय प्रधानमन्त्री भन्न चाहने विद्याले उक्त फिल्ममा काम गर्न चाहेको बताईन् । तर, सम्झौता हुन बाँकी नै रहेको उनको भनाई थियो ।