काठमाण्डौँ ।
नेपाल विद्युत प्राधिकरणले लोडसेडिङको नयाँ तालिका सार्वजनिक गरेको छ । सार्वजनिक तालिका अनुसार अब दैनिक ९ घण्टासम्म राजधानीबासीहरु अन्धकारमा बस्नुपर्नेछ । मधेश आन्दोलन र भारतको नाकाबन्दीका कारण ग्याँस अभाव हुँदा मानीसहरु विद्युतीय चुल्होमा भर पर्न थालेका थिए । तर, लोडसेडिङ वृद्धि भएपछि आम नागरिकहरुको चुल्हो बाल्ने समस्या झनै चुलीएको छ । ग्याँस नभएपनि खाना पकाउनका लागि बिजुलीको प्रयोग गर्दै आएकाहरुको चिन्ता बढेको छ ।
यो चिन्तामा शाहरुख खानको एउटा भिडियो अहिले फेसबुकमा भाइरल भइरहेको छ । शाहरुख खानको नक्कल गर्दै शिशिर भण्डारीले बोलेको संवादसहितको भिडियो भाइरल भएको हो । फेसबुकमा उक्त भिडियो  करिब १५ सय पटक सेयर भएको छ । चलचित्र देवदासको उक्त दृश्यमा शिशिरले लोडसेडिङका कुरा जोडेर मनोरञ्जन दिने प्रयास गरेका छन् । अभावमा च्यापीएका दुखी मनहरुलाई हँसाउनका लागि उनले बनाएको भिडियो यस्तो छ ।

तपाई  Facebook, Twitter र  Youtube मार्फत हामीसँग जोडिन सक्नुहुन्छ ।