मंसीर, काठमाण्डौ
एउटै क्षेत्रमा क्रियाशील अभिनेत्रीबीच प्रतिश्पर्धा हुनु सामान्य हो । तर, सफलता चुम्न उन्मुख सेलिब्रेटीहरुबीच उत्तिकै खुट्टा तानातान पनि हुने गर्छ । यस्तो अवस्थामा एउटै क्षेत्रका प्रतिश्पर्धी अभिनेत्रीहरु एकअर्कासँग दुश्मनीसमेत साँध्ने गर्छन् । बलिउडमा अभिनेत्री दिपिका पादुकोणको धेरैसँग राम्रो सम्बन्ध छैन । उनको  र कगंनाको सम्बन्धमा खटपट भएको कुराहरु केहि समय अघि बाहिरीएको थियो । कटरीना र दिपिकाको त झनै के कुरा ? रणवीरका कारण उनीहरुको सम्बन्ध पनि बिग्रिएको छ । त्यस्तै दिपिकाको सम्बन्ध अभिनेत्री सोनम कपुरसँग पनि खासै राम्रो छैन ।

यी तथ्यले बलिउडकी हिट हिरोईन दिपीका अन्य चर्चित अभिनेत्रीसँग खासै मिल्दीनन् भन्ने प्रस्ट हुन्छ । तर उनको अभिनेत्री प्रियंका चोपडासँग भने निकै राम्रो सम्बन्ध रहेको छ । सिनेमा बाजिराव मस्तानीमा सँगै काम गरेपछि दिपिकाले प्रियंका सँग काम गर्दा निकै मज्जा भएको र प्रियंकासँग उनको सुरुवात देखि नै राम्रो सम्बन्ध र मित्रता भएको खुलासा गरेकी छिन् ।

उनले भनेकी छिन् " जब म यस क्षेत्रमा आए त्यतिबेला प्रियंका पहिलो हस्ती थिईन् जोसँग मेरो भेट भएको थियो । त्यतिबेला प्रिंयंका एक स्टार बनिसकेकी थिईन् । यद्यपी, प्रियंका मेरो यस क्षेत्रको  पहिलो साथी बनिन्  । सुटिङमा हामी निकै सहज महसुस गथ्र्यौ । बाजिरावको सेटमा हामीले निकै मस्ती गर्यौ । "

दिपिकाले भनेअनुसार सिनेमाका निर्माता सञ्जयले दिपिका र प्रियंकालाई तिमीहरु किन झगडा गदैनौ भन्थे रे ? तर, पुरानो कुरा कोट्याउने हो भने एकताका यी दुई अभिनेत्रीको सम्बन्ध चिसीएको खबर पनि आएको थियो ।

तपाई  Facebook, Twitter र  Youtube मार्फत हामीसँग जोडिन सक्नुहुन्छ ।