भदौ १५, काठमाण्डौँ । हरितालिका तीज नजिकिँदै गर्दा तीज लक्षित गीतहरुको बाढी लागेको छ । दैनिक दुईचार वटा तीज गीतहरु युट्युबमा अपलोड भइरहेका छन् । अपलोड भएकामध्ये केहि चर्चित भइरहेका छन् । धेरैलाई दर्शकले बेवास्ता गरिरहेका छन् । यद्यपी यो क्रम बढीरहेकै छ । धेरै हेरिएकाहरुमा पनि हाँस्यकलाकारहरुले अभिनय गरेका म्युजिक भिडियो परेका छन् । हाँस्यकलाकारसँगै दुई अर्थ लाग्ने शब्दभएका गीतहरुले अझै बढी चर्चा कमाइरहेका छन् ।
यसबीचमा पुरानो लवजमा नयाँ तीज गीत बाहिरीएको छ । गीतले पहिला कसरी तीज मनाईन्थ्यो भन्नेबारे बोलेको छ । केहि वर्ष अघिको अहिलेको तीज संस्कृतिमा धेरै फरक आएपछि यस्तो गीत बाहिरीएको हो ।  हाम्रा पालामा, दीदी र बहिनी भएर जम्मा बाबाको आगनीमा नाच्थेउ छम्म छम्म भन्ने गीतमा टीका पुनको स्वर रहेको छ । कमला पाण्डेय को प्रस्तुतिमा रहेको गीतमा चिरन बरालको शब्द र लय छ । गीतको म्युजिक भिडियो अविरल फिल्म्स निर्माण गरेको हो । म्युजिकमा घिन्तांग आइडल सोनु घिमिरे र कविता आचार्य को अभिनय छ । हेर्नुहोस भिडियो ।