फागुन ८,काठमाडौं ।  नेपाली कलाकारहरुले मलेसियामा रहेका नेपालीहरुलाई मनोरञ्जन प्रदान गरेका छन् ।एनसेल र डीजीको संयुक्त आयोजनामा मलेशियाको पेनाङ्गमा भएको कार्यक्रमा कलाकारहरुले गीत, संगित र हाँस्यव्यंग्यको माध्यमबाट उपस्थित दर्शकहरुलाई निकै रमाइलो बतावरणमा आफ्नो प्रस्तुती देखाएका थिए । कार्यक्रममा हाउसफुलनै भएको त्यहाँबाट कलाकार दिपाश्री निरौलाले जानकारी दिइन् । 

कार्यक्रममा चर्चित हाँस्यकलाकारहरु दीपाश्री निरौला, दीपकराज गिरी, नायिका प्रियंका कार्की, गायक शिव परियार, गायिका सुनिता दुलाल, लोकगायक खुमन अधिकारी लगायतको कलाकार टोलीले प्रस्तुती दिएका थिए । 

नेपाली कलाकारको टोलीले आज शुक्रबार र भोली शनिबार पनि जोहरबारु र क्वालालम्पुरमा रोचक प्रस्तुति दिने बताइएको छ । कलाकारहरुको टोली शनिबारको कार्यक्रम सकेर मात्र नेपाल फर्कनेछन् ।