Radio Audio Program

Find us on Facebook

News

नयाँ नेपाली फिल्म अब हाम्रो मुभि डटकम बाट अनलाइनमै हेर्न मिल्ने ।

नयाँ नेपाली फिल्म अब हाम्रो मुभि डटकम बाट अनलाइनमै हेर्न मिल्ने ।

मंसीर २३, काठमाण्डौँ । 
नेपाली चलचित्रका थुप्रै पारखीहरु अहिले विदेशी भूमीमा छन् । इन्टरनेटको पहुँचमा रहेपनि उनीहरुलाई नयाँ फिल्म हेर्ने मौका हत्तपत्त जुर्दैन । रिलिज भएको महिनौँ पछि युट्युबमा अपलोड हुने फिल्म हेरेर रमाउनु पर्ने उनीहरुको बाध्यता छ । नयाँ फिल्म हेर्नका लागि उनीहरु निश्चित रकम खर्च गर्न तयार छन् । तर पैसा तिरेर नयाँ नेपाली फिल्म हेर्न पाउने व्यवस्था भने यस अघि थिएन । इन्टरनेटको पहुँचमा रहेका नेपाली चलचित्रका पारखीहरुले अब विश्वभरबाट निश्चित रकम तिरेर नयाँ नेपाली फिल्म हेर्न पाउने भएका छन् ।

हाइलाइट्स नेपाल र विधि प्रालीले नेपाली चलचित्रका पारखीहरुका लागि यस्तो सुविधा उपलब्ध गराएका हुन् । हाम्रो मुभि डट कम मार्फत अब नयाँ तथा पुराना नेपाली चलचित्रहरु घरमै बसेर हेर्न सकिनेछ । ‘दुई सय भन्दा बढी चलचित्रहरु उपलब्ध गराएर हाम्रो मुभि डटकमलाई नेपालको पहिलो सबैभन्दा ठूलो मुभि लाईब्रेरी बनाइने हाइलाइट्स नेपालका प्रमुख ओम गुरुङले बताएका छन् ।’ तत्कालका लागि श्री ५ अम्बरे, नाइके, सम्बोधन, माइ प्रमीस लगायतका नयाँ चलचित्र ५ सय रुपैँया तिरेर हेर्न सकिन्छ । यस्तै हाम्रो मुभि डट कममा दर्शकको प्रतिक्रिया हेरेर नेपाली पेमेन्ट गेटवे पनि चाँडै नै थपगर्ने विधि प्रालीका प्रमुख कार्यकारी अधिकृत सुवास सापकोटाले जानकारी दिए ।

अहिले पेपाल र क्रेडिट कार्डबाट रकम तिरेर फिल्म हेर्ने व्यवस्था रहे पनि अब छिट्टै यो व्यवस्थालाई अझै सहज बनाउने कम्पनीको योजना छ । केहि समयपछि इन्टरनेट, बिजुलीको मासीक रकम तिरे जस्तै नयाँ फिल्महरु मासीक रकम तिरेर सब्स्क्राइब गरेर  हेर्ने सुविधा पनि मिलाइने सापकोटाले बताए । हाम्रो मुभिबाट फिल्म हेर्नका लागि वेभसाइटमा गएर फेसबुक वा गुगलबाट लग इन गर्नु पर्नेछ । यो नेपालकै पहिलो अनलाईनबाट चलचित्र हेर्ने सुविधा भएकाले दर्शकको माग र प्रतिक्रिया अनुसार हाम्रो मुभि डट कमलाई अघि बढाउने योजना छ । हाम्रो मुभिमार्फत फिल्म हेर्नका लागि यहाँ क्लीक गर्नुहोस् । 

तपाई  Facebook, Twitter   Youtube मार्फत हामीसँग जोडिन सक्नुहुन्छ 

Post Comment

Radio Audio Live